2-Dampa (ST) AC By-Election a chuh tur hian ZPM, BJP, INC leh MNF candidate te chuan hming an pe lut tawh a,hming pek luh hun hi Election Commission of India thu angin ni 21.10.2025 (Thawhlehni) thleng hun hawn niin, scrutiny ni 22nd October, 2025 (Nilaini) ah neih tur  a ni a, candidate in withdraw duh tan 24th October, 2025 (Zirtawpni) thleng a ni ang.

An affidavit ah an mimal leh chhungkaw thil neih hlut zawng an tarlang ve ve a. MNF official candidate Dr. R Lalthangliana hian a hmingin khawih chet theih (movables assets) cheng nuai 99.35 neiin hetah hian a motor pahnih a tel a, khawihchet theihloh (immovaeble assets)- In hmun, ram leh building, etc. ah cheng nuai 391.60 hu a nei bawk. Mizoram sorkar atangin MLA housing loan cheng nuai 17.45 a la ba mek bawk.

INC official candidate John Rotluangliana hian khawihchet theih (movable assets) ah cheng nuai 129.12 neiin, a lirthei kawl pathum a tel a, khawihchet theiloh (immovable assets)- In hmun, building leh ram etc. ah cheng nuai 995 hu a nei a, leiba nuai 100 neiin hei hi NEDFi atanga Hotel loan atana lak a ni.

An chhungkua, nupui fanaute thil neih hlut zawng he report ah hian update leh tum a ni.. (6: 40 PM, 18 Oct, 2025)